Matagumpay na naisagawa ng Department of Agriculture – Bureau of Soils and Water Management (DA-BSWM), sa ilalim ng GEF-6 Biodiversity Corridor Project Component 3.2, ang pagtatatag ng dalawang Sustainable Land Management (SLM) Exemplar Sites sa Occidental Mindoro. Isinagawa ito noong Hulyo 13-17, 2026 sa Sitio Bulakan, Brgy. Harrison, Paluan, at noong Hulyo 20-24, 2026 naman sa Sitio Pambuhan, Brgy. San Vicente, Abra de Ilog. Nakiisa sa mga gawain ang mga kinatawan ng mga Local Government Unit (LGU), mga katutubong magsasaka, mga miyembro ng Neighborhood Shelter Assistance Association (NSAA) sa Abra de Ilog at Unlad Magsasaka Agriculture Cooperative (UMAC) sa Paluan, Occidental Mindoro. 

Bago ang pagtatanim, nagbigay ang mga kawani ng DA-BSWM ng teknikal na pagsasanay sa wastong paglalagay ng basal fertilizer at tamang paraan nang pagtatanim ng mga punla. Sa Paluan, kabuuang 311 binhi ang naitanim sa 15 contour lines, na binubuo ng 153 na saging, 100 na kalamansi, at 58 na langka. Samantala, sa Abra de Ilog, umabot sa 1,503 binhi ang naitanim sa 29 contour lines at mga enrichment planting areas. Kabilang dito ang 800 na pinya, 357 na saging, 240 na kalamansi, 63 na kasoy, at 43 na langka. 

Ang matagumpay na pagsasagawa ng mga gawaing ito ay bunga ng sama-samang pagtutulungan ng mga kawani ng DA-BSWM Soil Conservation and Management Division (SCMD), LGU, IP Community at mga miyembro ng farmers association sa mga naitatag na SLM Exemplar Sites. 

Inaasahang magsisilbing mga demonstration site ang mga SLMES upang hikayatin ang mas malawak na paggamit ng mga teknolohiya at pamamaraang nakabatay sa Sustainable Land Management (SLM). Sa pamamagitan nito, inaasahang makatutulong ang proyekto sa rehabilitasyon ng mga degraded agricultural lands, dagdag kita sa mga magsasaka at mas patibayin ang pangangalaga ng saribuhay sa loob ng Mindoro Biodiversity Corridor. via Mia Daniella Cayas 

This initiative is part of the DENR-UNDP/GEF project on “Integrated Approach in the Management of Major Biodiversity Corridors in the Philippines” or BD Corridor Project, which seeks to operationalize integrated management of biodiversity corridors to generate multiple benefits, including effective conservation of globally threatened species and high conservation value forests, reduce land degradation and deforestation, promote Sustainable Land Management (SLM), and enhance local biodiversity-friendly livelihoods.  

The project is led by the Department of Environment and Natural Resources (DENR) with the Sustainable Land Management (SLM) component being implemented by the Department of Agriculture – Bureau of Soils and Water Management (DA-BSWM), in partnership with the United Nations Development Programme (UNDP) and funded by the Global Environment Facility (GEF 6). 

#DA #BSWM #MasaganangAgrikultura #MaunladNaEkonomiya #BagongPilipinas #ParaSaMasaganangBagongPilipinas #SustainableLandManagement #BDCorridorProject #EMBC #EnvironmentForLife #MBC #OneWithBiodiversity #SLM #TayoAngTulaySaribuhay